Wednesday, July 30, 2008

الغنوه جايانى

مريـــت وكأنى سحاب
أدور علـــى الاحــباب
دقـــيـت باب ورا باب

ناديت ماسمعت جواب
يادار قولى لى يادار راحوا فين حبايب الدار
الغــــنوه جــــايانى
من جــــوه وجدانى
الدمــــع يغـــشانى
واغرق فى أحزانى
يادار قولى لى يادار راحوا فين حبايب الدار
ياللى هجرت الدار لـيه سبته وحدانى
العنكـبوت عنكب غطى النسيج شانى
وطير الــبرارى حط دمـر لى بـستانى
حتى الفل والياسمين أكله الجراد تانى
يادار قولى لى يادار راحوا فين حبايب الدار
دبلـــــت ورود ياما أنا كنـــت اداديها
بيدى أهذبــها وبروحى أناجــــــــــيها
فى فرحى أحكى لها فى حزنى أشكيها
كانــت تواســـينى واســمع كــتير ليها
يادار قولى لى يادار راحوا فين حبايب الدار
تجرى السنين أيام والـخطوه واخـدانى
طفت البلاد رحال قلت انسى احـزانى
قابـلت غير الناس مالقيت حبيب تانى
الذكــريــات أنـــــهار والغنوه جايانى
يادار قولى لى يادار راحوا فين حبايب الدار
القاهره
15/11/2004
مصطفى برعى







No comments: