Wednesday, July 30, 2008

شموع الافراح

دابــت شموع أفراح مافضلش غير شمـعة
تنزف دموعـــــها جراح دمـعة ورا دمـعة
القلــب يبكى صباح والليل عــــيون دامعة
أرواح تناجى الروح فى دنيا موش جامعة
....................
دابت شـــموع افراح وتـاه الـنور فى ظلام
ياشمـسى لـــيلى نهـار رؤياك فى الاحـلام
كان فى شروقــك أمل كان الغروب أوهـام
انت وحبايبى ياشمس فى غروب كأنة دوام
....................
دابـــت شموع أفراح ياليل مــافيش أنوار
مهما تغيـــــــب الشمس بكرة طالع لة نهار
خللـيـــنى ياليل جواك حنحكى فى الاسرار
أحزانــــــى فيك أداريها وانـــت أكيد ستار
....................
دابــت شـموع أفراحـــى والجمع راح داره
والــلى انـقـضى من العمر ماعرفت مقداره
غير اما شفت الحبايب الكل سار فى مساره
قــــطرات فى بحـــر الزمـن بتصب أنهاره
....................
دابــت شموع أ فراح وهجرنــى خــــــلانى
لفــــيت بلاد وبــــــلاد مالقـيت حبيب تـانى
هل جـــافيت الحــــب انا أم ألحب جـافانى؟
سأحيــــا بالذكـــــــرى لاتفنى أنــــا الفانى
....................
القاهره
28/11/2004
مصطفى برعى




No comments: