Tuesday, August 5, 2008

راحت عليك

راحـت عــلــيك ياجميـل سلم
دمــعه فى عيــنيك راح تـتكلم
تحــكى فى ماضـيك وانا أتألم
كـنــت المــثل وكنا منك نتعلم
.........
راحت علــيك ياجميل راحت
والــناس أكـــــيد هنا ارتاحت
لهموم كــــتير عنها انزاحــت
لاعــيــن بكت ولا عين ناحت
........
راحــت عليك ياجميــــل دنيـا
ترمى فى ايديك مالها فى ثانيه
تسعى اليك مليون غـــانـيـــــه
وتقول النعمه دايمه موش فانيه
........
راحت عليـك ياجـمـيـل ولــت
كان عـز كــتــير تـنـى وتــلت
دارت الأيـــام وعـلـيـك ضلت
بنت الأصـــول يوم ماتولــــت
........
دارت عـــلـيــك ياجمـيل أيــام
دوره سريـــعه ولا فى الاحلام
من بـعد عــــز البـــؤس تمـــام
أصحى لأيـــــــه ماتسيبنى أنام
........
راحت عليك ياجـمـيل صـبرك
أيام تعـيـشـــها وايه جـأبــــرك
خايف تـطـاطـى يضـيـع كبرك
عواد وباع أرضــــه فى خبرك
.........
راحـت عـلـيـك زى الشمعــــه
دابت أيام دمـــعه فى دمــــــعه
نورها فى ظـلام لـلناس جامعه
دابت يــاعـيـن ولا عين دامعه
.........
راحت عليك ياجــميــل كانت
أيـــــام بتجرى ولـيــــك دانت
القشره صــلــبه فى يـــوم لانت
جوهرها بـــان الساعه حانت
..........
القاهره
23/02/2007
مصطفى برعى

No comments: