Friday, August 8, 2008

دورى ياطواحين الهوا

فورى ومـــورى ياريـــاح
دورى ياطـــــواحين الهوا
أنا قــلبى داب من الـجراح
وحـــبـيــبى كـــــــان الدوا
وكفايه ياعين النـــــــــواح
أنـا جرحـى طاب واستوى
ياعيـونـى حبيبى اللى راح
ســايبنى فى نـــار الـجوى
لا فى ليــلى أنـام صـبـــاح
أسهر وعيونه ســــــــــــوا
ولــليلى يجرى الصـــــباح
يشـــكى له مـنى اكـتــــوى
فى شوارعه شريد ســواح
أدور طــواحيـــــن الهـــوا
.........
فورى ومــــــورى يارياح
خـــدى روحـى لسابع سما
فى حلمى اقابل حبــــــيبى
واســامر قلبى اللى ســمى
أطــفى فى نوره لهــــيــبى
واشوف النـجم اللى رمــى
سهمه وكان من نصــــيبى
فى قلبى غـــاص واحتـمى
لم يانجمى مصـــــــــــيبى
وانا عشــقى لنورك عمى؟
........
اجرى يـاريــــح غربـــينا
خدى قلبى لأبعد مديـــــنه
وان كـــان جــواه اللهـيب
راح يركب أول ســــفيـنه
جـايـز يقابلنى حبـيــــــب
يبدل أحـزانى الدفيـــــــنه
يعشق روحـى الســـــليب
يمســح الدمعه الحزينــــه
لكن فى قلبى نار شـــبيب
فين راح الاقى السـكــينـه
...........
فورى ومـورى يـاريـــــــــاح
خدى قــلــبى وروحى وحبيبى
خدى صاحــبى وخلى وقريبى
خدى سمعـى ودمـعى ووجيبى
خدى نورى وضـــلى وشبيبى
خدى حلوى ومــرى وعـيوبى
خدى نارى وحزنــى ونحيببى
خدى كلى وهـــاتى حبــــــيبى
أو طيرى كله فى الهـــــــــــوا
ايـــــه اللى بـاقــى ياريــــــاح
وانا كـلـى طــــــــار فى الهوا
أنـــا كـلى طــــــــار فى الهوا
............
القاهرة
30/4/1994
ليلة السبت ع
مصطفى برعى



No comments: